دليلك الشخصي للشقط بدون تحرش

الحب حاجة من أكتر الحاجات إلي بيبقي نفسنا نلاقيها في حياتنا، وعشان تلاقي حب حياتك دلوقتي
.محتاج تعرف تشقطها

( علي قد ما الحوار ده مهروس، عشان تحب حد صح، لازم تحترمه وتقدره. (معلش ياسطي

الشقط اليومين دول بقي غشيم شوية و محدش بقي فاهم إيه الفرق بينه وبين التحرش. و كله بقي شايله علي كتفه (قلبه) ومبقاش قادر يفرق خالص

.ده مش دليل للشقط علي قد ما هو دليل للحاجات البديهية اللي متعملهاش وأنت داخل تشقط

.هما خمس حاجات ملهمش سادس

:لا يعني لا –

تخيل؟

لما تقلك لا مش معناها حاول أكتر والنبي أو إشتمني أصلي بموووت في الشتيمة. لا معناها لا ومش أنت اللي هتغير المعني ده

:متبعتش صورة لأي عضو من أعضائك حتي لو عضو في مجلس النواب –

إحنا مدركين إن إلي عندك ده مش عند حد تاني، وصدقني أما تشوفوا مش هتنبهر وتديك رقمها. ويااا جمااااعة الحوار ده عمره ما بيجيب ولو جاب هيجبلك بلوك، أو مش هي بس إلي هتشوفوا زي واحد صاحبنا كده

:متسألهاش سؤال جوجل ممكن يردلك عليه –

هي مش ويكيبيديا أو جوجل عشان تسألها سؤال عام، شوف لو فيه حاجة فعلا ممكن تفيدك فيها أو، حاجه في سياق الموضوع زي ستوري هي حطاها مثلاً

:متخليش العشم ياخدك –

متخشش تتكلم علي أساس إنكو حبايب من ١٠ سنين، متدلعهاش وتقولها يا دودو أو يا سوسو علي أساس إنها بنت خالتك

:كفاية زن وحياة أبوك –

صدقني الستين ألف مسدچ إلي بتبعتهم مش هيحسسوها إنك مهتم ومش هيخليها ترد، غالبا هتعرفك علي واحد صاحبك انت عارفه كويس إسمه البلوك

وفي الأخر، نحب نقول أن إحنا أصلا شباب تافهة، ومبنحبش نهري في جد. بس واضح إن صراع بديهيات التعامل رجع تاني، فا بعد اذنك، خليك طبيعي ومحترم في الكلام والتعامل. وعادي جداً إن حد يقلك لا. انت معندكش أي إستحقاق لأي حاجة في الحياة، و خصوصا في الموضوع ده

.بطل تفكر بيه بقي (قلبك) ومن فضلك إفتكر إن البنات بني آدمين زيك وإتعامل معاهم علي الأساس ده

.لأن الحقيقة إن في الأول وفي الأخر كلنا عايزين إلي يحبنا ويحترمنا